Latest News

കുടുംബ സിനിമ “പൈക്കുട്ടി” ക്കു A സര്ട്ടിഫിക്കററ്. കാരണം കേട്ട നിര്‍മ്മാതാവ് ഞെട്ടി….

മലയാള സിനിമാ ചരിത്രത്തില്‍ ഒരു പൈക്കിടാവിനെ നായികയാക്കി അണിയിച്ചൊരുക്കിയ ‘ പൈക്കുട്ടി’ക്കു സെന്‍സര്‍ ബോര്‍ഡു (CBFC) നല്‍കിയത് A സര്ട്ടിഫിക്കററ്.

എന്ത് കൊണ്ടു? നിര്‍മ്മാതാവിന്റെ സംശയങ്ങള്‍ ഇനിയും ബാക്കി. പശു നമ്മുടെ ദേശീയ മൃഗമാണോ? പശു വസ്ത്രം ധരിക്കാതെ അഭിനയിച്ചതിനാലാണോ? ഷക്കീല അഭിനയിച്ച ആ ചിത്രത്തിനും പശു അഭിനയിച്ച ഈ ചിത്രത്തിനും A സര്ട്ടിഫിക്കററ് നല്‍കിയതിലൂടെ എന്താണ് സെന്‍സര്‍ ബോര്‍ഡു നല്‍കുന്ന സന്ദേശം? ഒന്നും മനസ്സിലാകാതെ നിര്‍മ്മാതാവ് കുഴഞ്ഞു.

ചിത്രത്തില്‍ നിന്നും പശു അഭിനയിച്ച പല ഭാഗങ്ങളും ഒഴിവാക്കാന്‍ സെന്‍സര്‍ ബോര്‍ഡു നിര്‍ദേശിച്ചു. 20- ഓളം രംഗങ്ങള്‍ മാറ്റപ്പെട്ടു. എന്നിട്ടും കിട്ടിയതു A സര്ട്ടിഫിക്കററ്. ഇതേ ചിത്രം അറബ് രാജ്യമായ കുവൈറ്റില്‍ സെന്‍സര്‍ ചെയ്തപ്പോള്‍ ക്ലീന്‍ U സര്ട്ടിഫിക്കററ് ആണ് കിട്ടിയത് എന്ന് നിര്‍മ്മാതാക്കള്‍ അറിയിച്ചു. ചിത്രം കുവൈറ്റില്‍ മെയ് 24-നു റിലീസ് ചെയ്യുന്നു.

ഗ്രാമീണ നന്മകളുടെ കഥ പറയുന്ന ഒരു മനോഹര ചിത്രമാണ് പൈക്കുട്ടി.. മമ്മൂട്ടിയുടെ പാലേരി മാണിക്ക്യത്തിലൂടെ ശ്രദ്ധ നേടിയ അനുഗ്രഹീത കലാകാരന്‍ പ്രദീപ്‌ നളന്ദ നായകനായും ഒപ്പം ഒരു കൂട്ടം നാടക കലാകാരന്മാര്‍ കൂടി വേഷമിടുന്ന ഈ സിനിമ മെയ്- 25 മുതല്‍ കേരളത്തിലെ തിയെറ്റെറുകളില്‍ പ്രദര്‍ശനത്തിനെത്തുന്നു.

നന്ദു വരവൂര്‍ സംവിധാനം ചെയ്തു, ക്രിസ്റ്റല്‍ മീഡിയക്ക്‌ വേണ്ടി ബൈജു മാഹിയും സുഭാഷ് രാമനാട്ടുകരയും ചേര്‍ന്ന് നിര്‍മ്മിക്കുന്ന ചിത്രം ബീബാ ക്രിയേഷന്‍സ് കേരളത്തിലെ തിയെറ്റെറുകളില്‍ എത്തിക്കുന്നു.

MOST POPULAR

To Top